ABŞ hökumətinin nəzarət
agentliyi deyir ki, Əfqanıstanın yenidənqurma proqramının məqsədlərinə nail
olmaq üçün davamlı strategiyası yoxdur. ABŞ Konqresinin Əfqanıstanda
yenidənqurma işlərinə nəzarət edən Xüsusi İnspektorluğunun açıqladığı hesabatda
deyilir ki, ABŞ-ın humanitar yardımlar üçün ayırdığı 32 milyard dolların hamısı
xərclənməyib. Digər dövlətlər isə 25 milyard dollar ianə verib. Hesabat aşkar edib
ki, yenidənqurma səyləri tamamlanmayıb, və ABŞ məqsədlərinin reallaşması
planlarında boşluqlar yaranıb. Bu
məqsədlərə Əfqanıstan infrastrukturunun bərpası, siyasi institutların yenidən
təsis edilməsi, əfqan xalqının lazımı xidmətlərlə təmini və yenidənqurma işləri
üçün önəmli olan təhlükəsizliyin gücləndirilməsi daxildir.