Avropa Birliyinin xarici siyasət üzrə rəhbəri Haviyer Solana
2007- ci ilin iyun ayında Həmas Qəzza zolağına nəzarəti ələ aldıqdan bəri ilk
dəfə olaraq əraziyə səfər edib. Səfərdə
məqsəd İsraillə Həmas arasında atəşkəsə nail olmaq, Fələstin fraksiyaları
arasında barışıq əldə etmək və ərazinin bərpası üçün yardım fondu təşkil
etməkdir. Dünən Həmas və Fətah öz aralarında milli birlik hökumətinin formalaşdırılması
barədə Qahirədə müqavilə imzalayıblar.