İran ABŞ prezidenti Barak Obamanın İranla
əlaqələrin yaxşılaşdırılması çağırışlarını alqışlasa da, sözlərin kifayət etmədiyini
bildirib. Iran prezidenti Mahmud
Əhmədinejadın müşaviri Əliəkbər
Cavanfekr deyib ki, Amerika Birləşmiş Ştatları
sözlərinə əməlləri ilə qüvvət verməlidir. Müşavir bildirib ki, ABŞ keçmiş səhvlərin vurduğu ziyanları aradan
qaldırmalıdır. Əliəkbər Cavanfekr Amerikanın Tehranla bağlı siyasətində köklü dəyişiklik etməli olduğunu bildirib.
Avropa Birliyinin xarici siyasət şöbəsinin
rəhbəri Haviyer Solana ABŞ prezidentinin
müraciətinin İranla münasibətlərin yeni səhifəsini aça biləcəyini deyib. Barak
Obamanın müraciəti Rusiya tərəfindən də alqışlanıb.