ABŞ
Prezidenti Barak Obama Quantanamo körfəzindəki saxlanama mərkəzinin bağlanması
haqda qərarını müdafiə edib. CBS telekanalına
müsahibədə cənab Obama sələfi Corc Buşun məhbuslarla bağlı apardığı siyasəti
sərt tənqid edib. Cənab Obama Buşun
qeyri-müəyyən müddətli saxlanma siyasətini “dayanıqsız” adlandıraraq bunun
dünyada anti-Amerika sentimentlərini gücləndirdiyini bəyan edib. Cənab Obama həmçinin sabiq vitse-prezident
Dik Çeyninin tənqidlərinə cavab verib.
Cənab Çeyni demişdi ki, Prezident Obamanın milli təhlükəsizlik sahəsində
verdiyi qərarlar ABŞ-da növbəti terror hücumu riskini artırır.