Çinin
şimal-qərbində minlərlə
taksi sürücüsü artıq 2-ci gündür tətil edir. Çin xəbər agentliyi Şinxuanın
bildirdiyinə görə, Xininq şəhərində 5 mindən çox taksi sürücüsü işləməkdən
imtina edib, çünki onlar fəaliyyət lisenziyası müddətini ixtisar edəcək yeni
tənzimləyici qanunun təklifindən narazıdırlar. Yerli xəbər agentliyi dünən
bildirmişdi ki, taksi sürücülərinin lisenziyasının keçərlilik müddəti 12 ildən
8 ilə azaldıla bilər. Çin xəbər agentliyinin məlumatına görə, sürücülər
lisenziyanı yeniləmək üçün yüksək ödənişlərdən qorxurlar. Rəsmilər isə deyir
ki, sürücülər yeni qaydaları səhv başa düşüb.