İranda nümayişlərin müstəqil media tərəfindən işıqlandırılmasına
imkan verilmədiyini nəzərə alaraq, ölkədə baş verən hadisələrin
şahidləri İnternet və telefon vasitəsilə, xüsusilə dəTehranda baş
verən hadisələri xaricə çatdırmağa çalışırlar. Müxalifət saytları
bu gün nümayişçilərin Tehranın İnqilab və Azadlıq məydanlarında
nümayişə çıxmağı planlaşdırdığlarını bildirmişdilər. Şahidlər
deyirlər ki, bu gün polislə minlərlə nümayişçi arasında toqquşma baş
verib, bəzi nümayişçilər nəzarət altına alınıb. Şahidlərin Amerikanın
Səsinin Fars şöbəsinə verdikləri məlumatda silah səsləri
eşiddiklərini, ancaq kim tərəfindən atəş açıldığının bilinmədiyini
deyiblər. Şahidlər bunu da qeyd edirlər ki, paytaxdın başqa
yerlərində nümayişçilər təhlükəsizlik qüvvələrinə hücum edib,
bəzilərinin motorsikletlərini yandırıblar. İran hakimiyyətinin
medianın hadisələri işıqlandırmasını qadağan etməsinə görə xəbər
agentlikləri əsas olaraq İran vətəndaşlarının Tvitter, Fecebook, və
Youtube kimi internet vasitələri ilə göndərdikləri xəbərlərə
əsaslanırlar. Facebook xidməti cümə günü bildirib ki, artıq o Fars
dilində də sayt əlavə edib ki, İranlılar bu xidmətdən öz dillərində
rahat istifadə edə bilsinlər. Google da xidmətlərinə Fars dilində
tərcümə əlavə edib.