Şərqi
və Qərbi Avropa liderləri Macarıstan paytaxtı Budapeştdə bir araya gələrək
Dəmir Pərdənin süqutunun 20-ci ildönümünü qeyd ediblər. 1989-cu il, iyunun 27-də, Macarıstan və
Avstriya liderləri sərhəddə görüşərək kapitalist və kommunist ölkələri
bir-birindən ayıran sərhəddəki tikanlı məftili kəsdilər. Həmin an Almaniyada Berlin divarının çökməsinə və Avropada kommunizmin sona yetməsinə yol
açan məqam kimi yaddaşlarda həkk olunub. Bu ildönümün şərəfinə keçirilən xüsusi
parlament sessiyasında Almaniya prezidenti Horst Koehler macarlara
cəsarətlərinə və şərqi almanlarla həmrəyliklərinə görə təşəkkür edib.