Avropa Birliyi İrandan tələb edir ki, bu həftə həbs
etdiyi Böyük Britaniyanın Tehrandakı səfirliyinin əməkdaşlarının hamısını azad
etsin. Səfirliyin 9 yerli işçisi bazar günü İranda seçkisonrakı iğtişaşda əli olmaqda
ittiham edilərək saxlanmışdı. İranın dövlət telekanalı bildirir ki,
hüquq-mühafizəçiləri əməkdaşların 8-ni azadlığa buraxsa da, bir nəfər hələ də
nəzarət altındadır. Britaniya rəsmiləri isə ən azı 2 nəfərin məhbəsdə
saxlandığını vurğulayır. Avropa Birliyinin rəsmiləri təşkilata üzv 27 ölkənin Tehrandakı səfirlərini geri çağırması barədə Britaniyanın təklifini nəzərdən keçirirlər. İsveç xarici işlər naziri Karl Bildtin dünən
bildirdiyinə görə, Avropa Birliyi gözləyir ki, İran lazımi addımlar ataraq
səfirlik əməkdaşlarının hamısını azadlığa buraxacaq. İsveç hazırda Avropa Birliyinə rotasiya üzrə
prezidentlik edir.