Vaşinqtonda keçirilən iki günlük danışıqların
sonunda Çin və ABŞ ticarət və iqlim dəyişikliyi məsələlərində bir işləyəcəklərinə
söz veriblər. Birləşmiş Ştatlar dövlət katibi Hillari Klinton deyib ki, iki
dövlətin nümayəndə heyəti bir çox sahələrdə əməkdaşlığı müzakirə edib. O deyib
ki, Vaşinqton və Pekin Şimali Koreya və İranın nüvə silahı əldə etmək səylərinə
dair ortaq narahatlıqları bölüşür. Dövlət katibinin sözlərinə görə, hər iki ölkə
İranın Yaxın Şərq regionunda nüvə silahı yarışı başlada bilməsindən çəkinir.
ABŞ maliyyə naziri Timati Qaytner isə nümayəndə heyətləri arasında qlobal
iqtisadiyyatın bərpasına nail olmaq üçün birgə işləməyə dair razılıq əldə
olunduğunu deyib. O, bir daha Çini əmin edib ki, ABŞ Çinin Birləşmiş Ştatlardakı
böyük yatırımlarını qorumaq və dolların dəyərinin ölməməsi səbəbilə artan
maliyyə defisitinə nəzarət etmək üçün ölçülər götürəcək.