Rusiya rəsmiləri bu gün daha bir cəsədin aşkar edilməsindən sonra bazar ertəsi Sibirin Sayano-Şuşinskayada hidro-elektrik stansiyasında baş verən partlayış səbəbindən ölənlərin sayının artıq 13 olduğunu deyirlər. Rusiyanın Fövqəladə Hallar Nazirliyi hələ də 60 nəfərin itkin düşdüyünü və bu gün də dalğıcların axtarışları davam etdirdiklərini bildirir. Lakin itkin düşənlər arasında sağ qalanlar olduğuna ümidlər azdır.
Transformatorun partlamasından sonra neftin turbin otağına dolduğu bildirilir. Qəzanın səbəbləri araşdırılır.