Avropa İttifaqının xarici əlaqələr
şöbəsinin rəhbəri Haviyer Solana gələn
ay İran və dünyanın 6 qüdrətli dövləti ilə danışıqların Türkiyədə keçiriləcəyi
və müzakirlər mövzusunun qlobal təhlükəsizlik və iqtisadi məsələlər olacağını
bəyan edib. Solana danışıqlarda nailiyyət əldə ediləcəyinə ümid bəslədiyini bildirib.
Belə ki, oktyabrın 1-də təşkil ediləcək görüşdə ABŞ ilk dəfə rəsmən iştirak
edəcək.
Haviyer Solana deyib ki, Qərb İrana uran zənginləşdirilməsi proqramının dayandırılması üçün həvəsləndirici təkliflər irəli sürəcək.Türkiyə danışıqlarında Vaşinqtonu ABŞ dövlət katibinin siyasi məsələlər üzrə müavini Uilyam Börns təmsil edəcək.
Bu, İranın dünya qüdrətləri ilə son bir ildə ilk danışqıları olacaq. 2008-ci ilin iyul ayında Cenevrədə keçirilən müzakirələrdə Uilyam Börns müşahidəçi kimi iştirak etmişdi.