Əfqanıstanın Seçki Şikayətlərinə Dair
Komissiyasının bildirdiyinə görə, ötən ay keçirilən prezident seçkilərində
saxtakarlqılara yol verildiyinə görə səsvermə məntəqələrinin 10 faizində səslər
yenidən hesablanacaq. Komissiyanın sədri Qrant Kippen deyib ki, hesablamalar 2500
seçki məntəqəsində keçiriləcək.
BMT-nin dəstəklədiyi Seçki Şikayətlərinə Dair
Komissiya keçən həftə səsvermə fəallığı 100 faiz olan və namizədlərin səslərin
95 faizini əldə etdiyi məntəqələrdə səslərin yenidən hesablanmasına göstəriş
vermişdi. 83 məntəqədə saxtakarlığa dair əyani süburlara görə minlərlə səs
artıq ləğv edilib. İndiyədək hesablanan səsvermə nəticələrinə görə prezident
Həmid Karzay 50 faizdən artıq səs əldə edib. Onun əsas rəqibi, sabiq xarici
işlər naziri Abdulla Abdulla isə 28 faiz səs toplayıb.