ABŞ-ın vitse-prezidenti Co Bayden Iraqda yaraqlıların mülki
vətəndaşları hədəf almasını ölkədə sabitlsizlik yaratmaq cəhdi kimi
qiymətləndirib. Bağdadda təşkil edilıən mətbuat konfransında İraqın baş naziri Nuri Əl-Maliki deyib ki,
cənab Bayden onu Vaşiqntonun təhlükəsizlik
sazişinin şərtlərinə əməl edəcəyində əmin edib. Saziş 2011-ci ilin sonunadək
ABŞ qüvvələrinin İraqdan çıxarılmasını nəzərdə turur.
Baş nazir zorakılıqların bu
möhlətə təsiri olmayacağını bildirib. Nuri Əl-Maliki Co Baydenlə
müzakirələrini pozitiv adlandırıb. O deyib
ki, indi tərəflər İraq istisadiyyatının canlandırılması və terrorizmlə mübarizə
məsələlərini diqqət mərkəzinə çəkib. Liderlərin Bağdad görüşü hücumlarla
müşayiət edilib. ABŞ-ın vitse-prezidentinin gəlişindən bir qədər sonra Bağdadda
minomyot hücumu nəticəsində iki adam həlak olub. ABŞ-ın İraqdakı hərbi
qüvvələri bildirib ki, İraq və Amerika əsgələri Bağdadın hökumət binalarının
yerləşdiyi Yaşıl zonasında hücum həyata keçirməkdə şübhəli bilinən üç yaraqlını
saxlayıb. Yaşıl zonanın özündə keç kimin xəsarət almadığı və dağıntıların
olmadığı bildirilir.