Radikal şiə ruhanisi Müqtəda Əl
Sədrin tərəfdarları 2003-cü ildən Amerikanın
başçılığı ilə hərbi qüvvələrin İraqa müdaxiləsindən sonra ilk dəfə olaraq ilkin
parlament seçkilərində səs veriblər. Sədrin 1.5 milyona yaxın tərəfdarının
səsvermədə iştirak etdiyi bildirilsə də, fəallığı təsdiq etmək mümkün olmayıb. Yanvar ayında keçiriləcək seçkilərdə iştirak
etmək üçün 650 nəfər namizədliyini irəli sürüb.
Bu arada İraqın qərb bölgəsində Ramadi
şəhəri yaxınlığındakı əsas körpüdə kamikadze hücumu həyata keçirilib. Suriya-İran
yolunun bir hissəsi olan bu körpüyə ciddi ziyan dəyib. Digər bir hücum
nəticəsində isə 4 İraq əsgəri həlak olub. İraqın Fəllucadakı hərbi patrullarını
hədəf alan yolkənarı bomba partlayışı səbəbi ilə 10 əsgər yaralanıb.