Pakistanın
ordusu bildirir ki, hərbi qüvvələr yaraqlıların nəzarətində olan ərazilərin
dərinliklərinə doğru irəlilədiyi bir vaxt ordu Talibanın Cənubi Vəziristan
regionundakı istehkamlarına çatıb. Hərbi rəsmilərin məlumatına görə, qoşunlar
Sararoqanın mühüm hissəsini ələ keçirərək Ladaya daxil olub. Məlumatda deyilir
ki, şəhərdə nəzarəti ələ keçirmək üçün Lada küçələrində intensiv döyüşlər
gedir. Ordunun yaydığı bəyanatda son gün ərzində Cənubi Vəziristanda 30
yaraqlının öldürüldüyü bildirilir. Bəyanatda habelə deyilir ki, döyüşlər zamanı
ordunun 8 əsgəri yaralanıb. Ordunun itki iddiaları nadir hallarda müstəqil
şəkildə təsdiq oluna bilmir, çünki döyüş gedən zonaya jurnalistlərin və yardım
işçilərinin daxil olması qadağan edilib.