Rusiya
müdafiə rəsmiləri dünən ölkənin uzaq şərq regionunda hərbi təyyarənin qəzaya
uğramasına dair araşdırmaya başlayıb. İçərisidə 11 nəfər olan Rusiyanın
TU-142M3 təyyarəsi Rusiyanın əsas ərazisi ilə Saxalin adasını ayıran Tatar
boğazı üzərində təlim keçən zaman yoxa çıxıb. Xilasetmə rəsmiləri deyir ki,hadisədən
kiminsə sağ çıxması ehtimalı çox azdır. Rusiya rəsmi xəbər agentliyi İtar-Tass-ın bildirdiyinə görə, axtarış əməliyyatlarına
bir hərbi müdafiə təyyarəsi, bir vertolyot və bir neçə gəmi cəlb olunub.
Ordunun bildirdiyinə görə, xilasetmə dəstələri Sakit Okean sahilindən 20
kilometr uzaqlıqda yerləşdirilib.