Dubayın
yüksək vəzifəli maliyyə rəsmisi deyir ki, əmirlik hökuməti dövlətə məxsus Dubai World şirkətinin böyük borclarına qarantiya
verməyəcək. Bu gün Dubay və Birləşmiş Ərəb Əmirliklərinin digər bölgələrində
səhm birjalarında qiymətlər düşüb. İnvestorlar Dubayın 59 milyard dollarlıq
borcunu qaytara bilməyəcəyindən narahatdırlar. Dubayda market 7.3 faiz, Abu
Dabi indeksi isə 8.3 faiz dəyər itirib. Dubayın Maliyyə Departamentinin baş
direktoru Əbdülrəhman Əl-Salehin sözlərinə görə, hazırkı böhranla bağlı bəzi
məsuliyyətləti borc verən şirkətlər daşıyır.O deyir ki, onlar kredit verərkən dövlətin təminatına deyil,
şirkət layihələrinin dəyərlərinə əsaslanıb.