Accessibility links

Əfqanıstanda yaraqlılar keçmiş vitse-prezidenti hədəf alıb


Əfqan polisinin bildirdiyinə görə, Kabildə sabiq vitse-prezidentin evinin yaxınlığında həyata keçirilmiş intiharçı hücumu nəticəsində ən azı 8 nəfər həlak olub, 40-a yaxın insan isə yaralanıb. Rəsmilərin sözlərinə görə, hücum keçmiş vitse-prezident Əhməd Zia Məsudu hədəf alıb. O, 2001-ci il 11 sentyabr hadisələrindən iki gün öncə Əl-Qaidə tərəfindən öldürülən Taliban rəqibi və tanınmış partizan döyüşçü Əhməd Şah Məsudun qardaşıdır. Sabiq vitse-prezident sağ qalmağa müvəffəq olsa da, onun iki cangüdəni həlak olub. Bəziləri isə hücumçunun yaxınlıqdakı əsasən əcnəbilərin qaldığı mehmanxanı hədəf aldığı ehtimal edilir. Partlayış hündür-mərtəbəli binaların olduğu Vəzir Əkbər Xan məhəlləsinin hər yerində hiss olunub. Burada habelə səfirliklər və Qərbli yardım qruplarının ofisləri yerləşir.
XS
SM
MD
LG