İran
prezidenti Mahmud Əhmədinejad Böyük Britaniya qəzetinin İranın nüvə bombasını
işə salan cihaz üzərində işləməsi barədə məlumatı təkzib edib. Dünən ABŞ-ın ABC telekanalına müsahibəsi
zamanı jurnalist Dayan Soyer cənab Əhmədinejada The Times qəzetinin əldə
etdiyi sənədlərin surətini verib. Bu
sənəd İranın nüvə fəaliyyətlərinin detallarını göstərir. Ona uzadılan qəzeti kənara yelləyən İran
prezidenti bunun ABŞ hökuməti tərəfindən hazırlanmış saxta sənəd olduğunu
bildirib. Birləşmiş Ştatlar prezidenti
Barak Obamanın müşaviri deyib ki, cənab Əhmədinejadın ittihamı əsassızdır. Dünən ABŞ baş qərargahlar rəisi Admiral Mayk
Mallen deyib ki, İranın nüvə proqramına dair mübahisəni həll etməyin ən yaxşı
yolu diplomatiyadır. Lakin o, hərbi
variantın da açıq qaldığını bildirib.