Azərbaycanın Mərkəzi Seçki Komissiyası 23 dekabr seçkilərində bələdiyyə üzvü seçilmiş şəxslər barəsində statistik məlumatları açıqlayıb.
Ümumilikdə 1709 bələdiyyəyə 15 591 nəfər seçilib. Onlardan 4157 nəfəri bitərəfdir (26,66%). 157 nəfər (1,01%) partiya mənsubiyyətini göstərməyib. 11 277 nəfər (72,33%) siyasi partiya nümayəndələridir. Hakim “Yeni Azərbaycan” Partiyasından 10 431 nəfər (və ya bələdiyyə üzvlərinin 66,9%-i) seçilib.
Digər partiyalardan bələdiyyə üzvü seçilənlərin sayı isə belədir: “Ana Vətən” Partiyası - 214 (1,37%), “Böyük Quruluş” Partiyası - 142 (0,91%), Azərbaycan Sosial Rifah Partiyası - 133 (0,85%), “Vətəndaş Həmrəyliyi” Partiyası - 115 (0,74%), Bütöv Azərbaycan Xalq Cəbhəsi Partiyası - 95 (0,61%), Azərbaycan Ümid Partiyası - 43 (0,28%), Azərbaycan Kommunist Partiyası - 25 (0,16%), Azərbaycan Demokratik İslahatlar Siyasi Partiyası - 18 (0,12%), Azərbaycan Milli İstiqlal Partiyası - 15 (0,10%), Vətəndaş Birliyi Partiyası - 14 (0,09%), "Ədalət" Partiyası - 3 (0,08%), Müasir Müsavat Partiyası - 5 (0,03%), Müsavat Partiyası - 3 (0,02%, seçilən partiya nümayəndəsi bitərəfdir), Demokratik Azərbaycan Dünyası Partiyası - 3 (0,02%), Klassik Xalq Cəbhəsi Partiyası - 3 (0,02%), Azərbaycan Demokrat Partiyası - 2 (0,01%), "Milli Vəhdət" Partiyası - 2 (0,01%), Azərbaycan Xalq Cəbhəsi Partiyası - 1 (0,01%).
Seçilmiş bələdiyyə üzvlərinin 9979-nun ali, 2711 nəfərinin orta ixtisas, 2825 nəfərin orta, 76 nəfərin natamam ali təhsili var. 11517 nəfər (73,87%) kişi, 4074 nəfər qadın bələdiyyə üzvü seçilib.
Bələdiyyə üzvlərinin yaşına gəlincə, yaş qrupları üzrə təsnifat aşağıdakı kimidir: 21-30 yaş - 4243 (27,21%) nəfər, 31-40 yaş - 2615 (1677%), 41-50 yaş - 4781 (30,67%), 51-60 yaş - 3293 (21,12%), 60 yaşdan yuxarı - 659 (4,23%).