<!-- IMAGE -->
ABŞ-ın Müdafiə naziri Robert Geyts İranın nüvə proqramı ətrafında danışıqlar aparmaq üçün Səudiyyə Ərəbistanına səfər edib.
Bu gün Ər-Riyada yetişən Geytsin kral Abdulla ilə uranın zəngiləşdirilməsini dayandırmadığına görə İrana qarşı BMT-də yeni sanksiyaların qəbul edilməsi üçün ABŞ-ın başçılıq etdiyi səyləri müzakirə edəcəyi gözlənilir.
Birləşmiş Ştatlar Tehrana qarşı addımın atılması üçün beynəlxalq səviyyədə dəstək qazanmağa çalışır.
Geytsin habelə ABŞ-ın Səudiyyə Ərəbistanına hava və raketlərdən müdafiə proqramlarını gücləndirmək üçün göstərdiyi səyləri müzakirə edəcəyi gözlənilir.