<!-- IMAGE -->Fələstin danışıqlar heyətinin başçısı İsrailin Şərqi Qüdsdə əlavə yaşayış məntəqələri tikmək planını beynəlxalq ictimaiyyətin pisləməsini alqışlayıb. Saeb Erekat Yaxın Şərq üzrə Kvartetin yaydığı bəyanatı dəstəkləyib. Kvartet dünən yaydığı bəyanatda İsrailin birtərəfli hərəkətlərini tanımayacağını bəyan edib. Qurum həmçinin martın 19-da Moskvada keçiriləcək görüşdə situasiyanın bütünlüklə nəzərdən keçiriləcəyini elan edib. Kvartetə ABŞ, Avropa İttifaqı, BMT və Rusiya daxildir.
Fələstin müzakirəçisi beynəlxalq ictimaiyyətin İsrail yaşayış məntəqələri ilə bağlı mövqeyini alqışlayır
