ABŞ Hindistana Mumbay hücumları ilə bağlı pakistanlı amerikalını sorğu-sual etməyə icazə verəcək

<!-- IMAGE -->

ABŞ rəsmiləri bu gün bildirib ki, Birləşmiş Ştatlar Hindistana 2008-ci il Mumbay hücumlarının planlaşdırılmasına yardım göstərməkdə təqsirli bilinən pakistanlı amerikalını sorğu-sual etməyə icazə verəcək. Ancaq o, hazırkı ittihamlarla Hindistana eksradisiya olunmayacaq. Bununla yanaşı, ABŞ dövlət katibinin yardımçısı Robert Blak Deyvid Hedliyə qarşı yeni ittihamlar qaldırılsa, onun gələcəkdə eksradisiyasını istisna etməyib. Bugünkü açıqlamayadək Birləşmiş Ştatlar Hindistana Hedlini sorğu-sual etmək hüququ verməmişdi, buna baxmayaraq, rəsmilər onunla bağlı məlumatları hindistanlı həmkarları ilə bölüşürdülər.