Birləşmiş Ştatların silahlara nəzarət eksperti Con Bolton Şimali Koreyanın nüvə proqramı məsələsinin yaxın zamanda BMT-nin Təhlükəsizlik Şurası qarşına çıxarılacağını demişdir. Amerikanın dövlət katibinin müavini cənab Bolton bu gün Seulda müxbirlərə Şuranın 5 daimi üzvünün bunun əleyhinə çxış edəcəyini gözləmədiyini bildirmişdir. Qeyd edək ki, məsələ Təhlükəszlik Şurasında qaldırılarsa, Şimali Koreya iqtisadi sanksiyalarla üzləşə bilər. Pxenyan isə sanksiyaları müharibə e’lanı kimi qəbul edəcəyini bildirir.