Prezident Buş və birinci xanım Lora Buş bu gün İraq müharibəsində yaralanan əsgərlərlə görüşür. Onlar Vaşinqton ərazisində yerləşən iki hərbi xəstəxanada 70-ə yaxın İraq müharibəsi veteranı və onların ailə üzvləri ilə 3 saata yaxın görüş keçirirlər. Prezidentin 16 hərbiçini döyüş medalı ilə təltif edəcəyi gözlənilir. Cənab Buş bundan əlavə dəniz qüvvələrinin iki hərbi qulluqçusunun Amerika vətəndaşlığına andiçmə mərasimində də iştirak etməlidir.