Gürcüstan prezidenti Eduard Şevardnadze Avropanın İnkişaf və Yenidənqurma Bankının bu il Gürcüstan layihələrinə 25 milyon dollar məbləğində vəsait ayırdığını bildirib. Həftəlik radio müraciəti zamanı dövlət başçısı vəsaitin İnguri su-elektrik stansiyası, dəmir yollarının tə’miri və bə’zi müəssisələrə yardıma sərf ediləcəyini deyib. Avropanın İnkişaf və Yenidənqurma bankının vitse-prezidenti Norin Doyl keçən həftə Tbilisidə prezident Şevardnadze və Gürcüstanın biznes liderləri ilə görüşlər keçirmişdi.