BMT Liberiyanın iknici böyük şəhəri Bukanan şəhərinin minlərlə sakinini ərzaq yardımı ilə təmin etməyə başlayıb. Dünya Ərzaq Proqramının bildirdiyinə görə 16 min insana kifayət edəcək məhsullar şəhərə dünən gecə çatdırılıb. Sülh razılığına baxmayaraq, şəhər rəqib döyüşçülərin nəzarəti altındadır. Şərqi Afrika sülhməramlı qüvvələri keçən həftə təhlükəsizlik məqsədi ilə şəhərin ətraflarına yaxınlaşmış, lakin şəhərə daxil olmamışlar.