Son rəy sorğuları göstərir ki, demokrat partiyasından prezidentliyə namizədlər arasında təqaüddəki general Vesli Klark öndə gedir. Nyusvik jurnalının keçirdiyi sorğu generalın 14 faiz dəstəyə malik olduğunu aşkar edib. Vermontun keçmiş qubernatoru Hovard Dean və Konnektikut ştatından Senator Co Liberman 12 faiz səslə ikinci yerdədirlər. Xatırladaq ki, İraq müharibəsi və Buş administrasyasının müharibədən sonrakı səylərini tənqid edən general prezident yarışlarına keçən çərşənbə günü qoşulmuşdu.