İran prezidenti Məhəmməd Xatəmi bu gün müxbirlərlə söhbətində onun hökumətinin İranın nüvə silahlarına malik olmadığını sübut etmək üçün əlindən gələni edəcəyini deyib. İran prezidenti Tehranın bir halda-İranın milli təhlükəszliyi, suverenliyi və ərazi bütövlüyü nəzərə alındığı təqdirdə, BMT müfəttişlərinin nüvə obyektlərində azad və açıq təftişinə yol açan razılığı imzalamağa belə hazır olduğunu bildirib. Cənab Xatəmi İranın uranın zənginləşdirilməsindən əl çəkməyəcəyini də deyib.