Misirli əkiz qardaşların bitişik başlarının ayrılmasından sonra onların vəziyyətinin yaxşı olduğu bildirilir. Bu gün Texas ştatının Dallas şəhər Uşaq Tibb Mərkəzində çıxış edən neurocərrah Ceyms Tomas heç bir ciddi problemlə üzləşilmədiyi, lakin İbrahim qardaşlarının sağalma prosesi haqda danışmağın hələ tez olduğunu bildirib. O, iki yaşlı əkizlərin beyinlərinin şişməsi və infeksiya hallarına yol verilməməsi məqsədi ilə dərmanlar vasitəsilə yuxuya verildiyini və onların bir neçə gün bu vəziyyətdə saxlanılacağını deyib.