Prezident Buş bu gün həftəlik radio müraciəti zamanı Amerika iqtisadiyyatının günbəgün möhkəmləndiyini deyib. Prezident oktyabr ayında 126000 yeni iş yerinin açıldığını və işsizlik göstəricisinin 6 faizə endiyini bildirib. O, vergilərin ixtisarı ilə amerikalıların ciblərində daha artıq pul qaldığını deyib. Müraciətə cavab olaraq demokrat konqresmen Çet Edvard respublikaçıların vergi ixtisarı və xərclərinin amerikalıların səhiyyə xidmətləri, habelə əsgər və veteranların imtiyazlarına ciddi ziyan vurduğunu bildirib.