Bu gün İraqda iki Amerika əsgəri öldürülüb, digər dördü isə ayrı-ayrı hücumlar zamanı xəsarət alıb. Əsgərlədən biri keşik çəkdiyi benzindoldurma stansiyası yanından ötən maşından açılan atəşin qurbanı olub. İkinci əsgər isə Mosul şəhərinin hərəkət çox olan bir yolunda Birləşmiş Ştatların maşın karvanına atılan bombanın partlayışı nəticəsində həlak olub. Bütün bunlarla yanaşaı Bağdadın hava limanından qalxan Amerikanın hərbi təyyarəsi raket atəşinə məruz qalıb. Təyyarənin hava limanına salamat qayıtdığı bildirilir.