NATO-nun Əfqanıstandakı sülhməramlı qüvvələrinin iki bazası yaxınlığında bomba hücumları həyata keçirilib. Nəticədə bir Britaniya əsgəri həlak olub, bir neçəsi isə xəsarət alıb. Əfqan polisinin bildirdiyinə görə intiharçı taksi sürücüsü partlayıcı maddələrlə dolu maşını sülhməramlı qüvvələrinin maşınları yaxınlığında partladıb. Hadisə Kabildə Kanada qüvvələrinin dünən kamikadze hücumu nəticəsində həlak olan əsgərinin anım mərasiminə təsadüf edir.