Əfqanıstandan gələn məlumatlarda ölkənin şimal-şərq bölgəsində döyüşlər nəticəsində 20 adamın öldüyü, 40-dan çox adamın yaralandığı xəbər verilir. Dövlət televiziyası və Baxtar xəbər agentliyinin bildirdiyinə görə, rəqib yaraqlı qruplar arasında döyüş cümə axşamı başlamış və Bədəxşan vilayətinin 5 rayonununda davam etdirilmidir. Vilayət rəsmiləri döyüşə son qoymaq üçün həmin ərazilərə yüzlərlə əsgər göndəriblər. Kabil məlumatlarla əlaqədar hələlik heç bir rəsmi münasibət bildirməyib.