Rusiya prezidenti Vladimir Putin prezident seçkilərinə beş gün qalmış yeni hökümətin tərkibini elan edib. Prezident Putin Rusiyanın BMT-dəki səfiri Serqey Lavrovu xarici işlər naziri vəzifəsinə təyin edib. Lavrov bu vəzifədə İqor İvanovu əvəz edəcək. İvanov isə öz növbəsində Təhlükəsizlik Şurasının katibi vəzifəsinə təyin olunub. Serqey İvanov Müdafiə naziri vəzifəsində qalacaq. Cənab Putin həmçinin, nazirliklərin sayının 30-dan 17-ə ixtisar ediləcəyini də elan edib. Ağ Evin nümayədənəsi bildirib ki, Vaşinqton Rusiyadakı hadisələri yaxından izləyir. Vaşinqton Moskvadan qanunun aliliyi və demokraiya ilə bağlı öhdəliklərinin dərinləşməsini görmək istəyir.