Slovakiyanın keçmiş baş naziri Vladimir Meçiar prezident seçkilərinin birinci raundunda gözlənilmədən qələbə əldə edib. Dünən keçirilən seçkilər zamanı keçmiş baş nazirin səslərin 33 faizini topladığı, onun rəqibi İvan Qasparovun isə 22 faiz səs əldə etdiyi bildirilir. Rəy sorğularında ön sırada yer alan xarici işlər naziri Eduard Kukan isə 21.8 faiz səs toplayaraq üçüncü yerə çıxıb.