Birləşmiş Millətlər Təşkilatı Əfqanıstanda səsvermə hüququna malik olan vətəndaşların 90 faizi, yəni 8.7 milyon adamın oktyabr ayında keçiriləcək prezident seçkiləri üçün qeydiyyatdan keçdiyini bildirir. BMT-nin təxminlərinə görə ölkə əhalisinin 9.8 milyonu səsvermə hüququna malikdir. Assoşieyted Presin məlumatında deyilir ki, Əfqanıstanın hökumət əleyhinə hərəkatın mövcud olduğu cənub bölgəsində yalnız 12 faiz seçici qeydiyyata alınıb.