Bu il İtaliya bəstəkarı Cakomo Puççininin “Madam Batterfly” operasının Amerikada səhnəyə qoyulmasının yüz illiyi tamam olur. Operanın librettosu Amerika dramaturqu Deyvid Belaskonun eyni adlı əsəri əsasında yazılmışdır. Puççinin amerikalı dramaturqun “The Girl of Golden VVest” əsəri əsasında yazdığı növbəti operası “La Fancuilla” Amerikada fenomenal uğur qazana bilmişdi.
Cakomo Puççini yeni operası üçün mövzunu “Madam Batterfly” və “Manon Lesko” operalarının Metropoliten Operada premyerasında iştirak etmək üçün 1907-ci ildə Nyu Yorkda gəldiyi zaman tapmışdı. Böyük bəstəkar o zaman Amerka auditoriyası qarşısında çıxış etmişdi. Amerika Puççini, Puççini isə Amerikanı sevirdi. Amerikalı dramaturqun tamaşası ingilis dilində bir söz bilməyən Cakomo Puççininin çox xoşuna gəlmişdu. Bəstəkar Madam Batterfly və Toska kimi faciəli taleyə malik qadınlardan fərqli bir obraz yaratmaq ideyası ilə yaşayırdı. 1910-cu ildə Cakomo Puççini yenidən Nyu Yorka qayıdır. Bu dəfə “La Funciulla del VVest” operasının ilk tamaşasında iştirak etmək üçün. Operada əsas partiyaları əfsanəvi Enriko Karuzo və Emmi Destinin ifaə etməsi, Arturo Toskanininsə dirijorluq etməsi ona böyük şöhrət gətirmişdi. Lakin operada mürəkkəb partiyaların olması onun tamaşaya qoyulmasını çətinləşdirirdi. Musiqi tənqidçiləri deyirlər ki, Puççini bu əsərini amerikalılara həsr edib. Puççini həqiqətən də Amerikada ən populyar opera bəstəkarı olaraq qalır.