Birləşmiş Ştatların İraqdakı hərbi qüvvələrinin bildirdiyinə görə Mosul şəhəri yaxınlığındakı qarşıdurma zamanı 2 hücumçu qətlə yetiirlib. İraq rəsmiləri mülki vətəndaşlar daxil edilməklə, 35 adamın yaralandığını bildirirlər. ABŞ nümayəndələri qarşıdurmanın hücumçuların hərbi patrolu atəşə tutmaları ilə başlandığını deyirlər. İraqın cənub bölgəsində isə neft şirkətinin nümayəndələri Bəsrədə daha bir neft borusunun partladıldığını bildirirlər. Partlayışın səbəb olduğu yanğının söndürülməsinə çalışılır.