Pakistandan daxil olan xəbərlərə görə həmin ölkənin rəsmiləri Əfqanıstanla sərhəddə yerləşən bir neçə qəbilənin rəhbərləri ilə görüşərək onlardan həmin ərazidə gizlənmiş terrorçuları əzməkdə yardım istəmişlər. Xəbərdə deyilir ki, Pişəvərdə qəbilə rəhbərləri və hökumət nümayəndələri arasında gedən danışıqlar dünən başlayaraq gecəyə kimi davam edib. Bu görüş Pakistan ordusu Cənubi Vəziristanda xarici militantların düşərgəsini məhv etdikdən bir həftə sonra baş verir. Əlavə edək ki, indinin özünə kimi Pakistan qüvvələri və əl-Qaida yaraqlıları arasında atışmalar davam edir. Bu arada Pakistan mediasının verdiyi məlumata görə təhlükəsizlik qüvvələri Cənubi Vəziristanın Şakai məntəqəsində iri silah-sursat anbarı aşkar etmişlər.