İsrailin baş naziri Ariyel Şaron bu gün onun israillilərin işğal edilmiş ərazilərdən köçürülməsi planına etiraz edən sakinlərlə görüşür. İsraildən alınan xəbərlərdə bildirilir ki, görüşün məqsədi planın təfərrüatlarının bölüşdürülməsi və sakinlərin köçürülməsi ilə bağlı nümayəndələrin fikirlərinin öyrənilməsidir. Baş nazirin sakinlərə hökumətə qarşı zorakılıqlara yol verilməməsi ilə bağlı xəbərdarlıq verəcəyi gözlənilir. Şaronun planı 2006-cı ilədək 8000 sakinin Qəzza və İordan çayının qərb sahilindəki 4 yaşayış məntəqəsindən çıxarılmasını nəzərdə tutur.