Türkiyənin baş naziri Rəcəp Tayyib Ərdoğan ermənilərin genosid iddiaları ilə bağlı iki ölkə arasında fikir ayrılıqlarına baxmayaraq, Türkiyənin qonşu Ermənistanla əlaqələr yaratmağa hazır olduğunu bidirib. “Milliyyət” qəzetinə verdiyi müsahibədə cənab Ərdoğan soyqırım məsələsinin öyrənilməsi məqsədilə birgə türk-erməni komissiyasının yaradılması çağırışını təkrar edib. Baş nazirin sözlərinə görə, bu, iki qonşu ölkə arasında siyasi əlaqələrin yaranacağı vaxta təsadüf edə bilər. Bundan öncə, Ermənisatnın prezidenti Robert Köçaryan Ermənistanın komissiyada iştirak edə biləcəyini demiş, lakin ilk növbədə, əlaqələri yaxşılaşdırmağa çağırmışdır.