ABŞ Dövlət Katibinin Avropa və Avrasiya məsələləri
üzrə Köməkçisi Filip Qordon Cənubi Qafqaza üçgünlük səfəri çərçivəsində
iyunun 11-də Azərbaycana səfər edəcək. Bu barədə ABŞ səfirliyi məlumat
yayıb.
Xəbərə görə, Bakı səfərində o, hökumət nümayəndələri və
vətəndaş cəmiyyətinin üzvləri ilə ikitərəfli və regional məsələləri
müzakirə edəcək.
Cənab Qordon bəyan edib ki, Dövlət Katibinin
Köməkçisi vəzifəsində əsas diqqəti “demokratiyanın təşviqinə, iqtisadi
islahatlara təkan verməyə, milli suverenliyin və ərazi bütövlüyünün
müdafiəsinə və davam edən münaqişələrin həllinə” yönəldəcək.
Görüşlərində o, ABŞ - Azərbaycan arasında enerji və təhlükəsizlik
sahəsində əməkdaşlığın, həmçinin, Dağlıq-Qarabağ münaqişəsinin sülh
yolu ilə həlli istiqamətində Obama Administrasiyasının iştirakını
müzakirə edəcək.
Dövlət Katibinin Köməkçisi qismində F.Qordon
regiona ilk səfərini edir. O, vəzifəsinin icrasına 15 may 2009-cu ildə
başlayıb və bu vəzifədə Daniel Fridi əvəz edir.