“Azərbaycanda yerli tezliklərdə yayımlanan xarici radiostansiyaların yayımının dayandırılması faktı ABŞ-ı çox təsirli şəkildə narahat və məyus edir”. Bu barədə
ABŞ-ın Azərbaycandakı səfiri Enn Dersi “Amerikanın səsi” radiosunun sualının cavabında “Amerikanın səsi”, “Azadlıq” və BBC radiolarının yerli tezliklərdə yayımının dayandırılması ilə bağlı rəsmi bəyanatlara münasibət bildirərkən deyib.
Onun sözlərinə görə, ABŞ Azərbaycanla
işləmək istəyini izhar edib və bu niyyət çərçivəsində siyasi islahatların
inkişafı sahəsində işləməyi davam etdirmək əzmindədir. “Mövcud olan çox güclü
demokratik təsisatların inkişafı məhz bu çərçivəyə daxildir. Bu təsisatlar
arasında güclü, peşəkar, obyektiv tərzdə fəaliyyət göstərən media da bir şərt olaraq
ortaya çıxır. Düşünürəm ki, danışdığım məsələlər bizim və Azərbaycan
hökumətindəki həmkarlarımızın da məqsədləridir”.
O radioların yerli tezliklərdə fəaliyyətini davam
etdirməsi məqsədi ilə Azərbaycan hökuməti ilə dialoqu davam etdirəcəyini deyib.