ABŞ-ın Estoniyadakı səfiri prezidenti Donald Trampın Avropa İttifaqı ilə bağlı şərhləri və Vaşinqtonun Avropa müttəfiqlərinə qarşı rəftarından məyus olduğu üçün istefa verdiyini söyləyir.
Cümə günü Facebook-da şəxsi mesaj paylaşan Ceyms D. Melvil “Prezidentin Avropa İttifaqının Birləşmiş Ştatları istismar etmək, bizim pullarımıza hücum etmək üçün yarandığını və ya NATO-nun NAFTA qədər pis olduğunu deməsi təkcə faktiki olaraq yanlış deyil, həm də mənə getmək vaxtının gəlib çatdığını bir daha sübut edir”- deyə yazıb.
Melvil yüksək səviyyəli ABŞ diplomatıdır. O, 2015-ci ildən bəri NATO üzvü Estoniyada ABŞ səfiri olaraq, 33 il boyunca isə Dövlət Departamentində xidmət göstərib.
ABŞ-ın Tallindəki səfirliyi şərh verməyib.
Fikirləriniz
Show comments