Accessibility links

ABŞ astronavtları SpaceX raketində kosmosa uçub


SpaceX Falcon 9 raketi

İki amerikalı astronavt şənbə günü kosmosa uçub. Bu ilk dəfədir ki, astronavtlar kosmosa özəl şirkətin hazırladığı raketdə və son 9 ildə ilk dəfədir ki, Amerika ərazisindən uçub.

Astronavtlar Doq Hörli və Bob Behnken Kennedi Fəza Mərkəzindən kosmosa SpaceX raketində yerli vaxtla saat 3:22-də uçub.

Kaliforniyada qərargahlanan SpaceX Aerokosmik Şirkəti milyarder İlon Maksa məxsusdur.

İlk olaraq çərşənbə gününə təyin olunan uçuş Florida ştatının cənubşərq hissəsində yerləşən Kennedi Kosmik Mərkəzi yaxınlığında qasırğalı hava şəraiti səbəbilə təxirə salınmışdı.

Astronavtların Amerika ərazisindən kosmosa son uçuşu 2011-ci ildə baş tutub. Ondan sonra Milli Aeronatika və Fəza Administrasiyası, NASA, kosmik məkikdən istifadəni dayandırıb. ABŞ o zamandan bəri astronavtlarını Beynəlxalq Kosmik Stansiyaya yollamaq üçün Rusiyanın fəza agentliyi ilə əməkdaşlıq edirdi.

Hörli və Behnken yenicə dizayn edilmiş Crew Dragon kapsulunda Yer kürəsinin ətrafında 19 saat boyunca dövr vurduqdan sonra Beynəlxalq Kosmik Stansiyaya yanaşmağa çalışacaqlar.

Milli Xəbər Xidmətinin şənbə gününə olan proqnozuna görə, Kennedi Fəza Mərkəzi ətrafında leysan yağışlar və ildırım gözlənilir.

XS
SM
MD
LG