Accessibility links

Bayden müdafiə xərclərinə dair 768,2 milyard dollarlıq qanun layihəsini imzalayıb


Prezident Co Bayden hərbçilərin maaşlarının 2,7% artırılması da daxil olmaqla, bazar ertəsi 2022-ci il üçün hərbi xərclər üçün 768,2 milyard dollarlıq Milli Müdafiə Səlahiyyəti Aktını (NDAA) imzalayıb.

Hərbi xərclərin 5% artırılmasını nəzərdə tutan qanun Demokratlar və Respublikaçılar arasında hərbi ədliyyə sistemində islahatlardan tutmuş, əsgərlər üçün COVID-19-a qarşı vaksinasiya tələblərinə qədər mövzuları əhatə edən gərgin danışıqların nəticəsidir.

"Qanun həyati əhəmiyyətli üstünlükləri təmin edir və hərbçilər və onların ailələri üçün ədalət mühakiməsinə çıxış imkanlarını genişləndirir və ölkəmizin milli müdafiəsini dəstəkləmək üçün mühüm qurumları əhatə edir", Bayden açıqladığı bəyanatda bildirib.

768,2 milyard dollarlıq paket Baydenin əvvəlcə Konqresdən istədiyi məbləğdən 25 milyard dollar çoxdur. Hər iki partiyanın üzvləri Baydenin bundan öncəki təklifini ABŞ-ın hərbi cəhətdən Çin və Rusiya ilə ayaqlaşmaq səylərini sarsıda biləcəyi ilə bağlı narahatlıqlara görə rədd etmişdi.

Yeni qanun layihəsi bu ayın əvvəlində hər iki partiyanın - həm Demokratlar, həm də Respublikaçıların dəstəyi ilə qəbul edilib.

Demokratlar qanun layihəsində hərbi ədliyyə sisteminin cinsi zorakılıq və bu kimi digər cinayətləri necə araşdırdığını yenidən nəzərdən keçirən müddəalarını və bu cür cinayətlərin araşdırılması üzərində yurisdiksiyanın hərbi komandirlərin əlindən alınmasını alqışlayıb.

Respublikaçılar isə COVID-19 peyvəndindən imtina edən hərbçilərin ordudan kənarlaşdırılmasını qadağan edən müddəanın daxil edilməsini alqışla qarşılayıb.

Qanun layihəsinə Sakit Okean Təhlükəsizliyi Təşəbbüsü, Tayvanın müdafiəsi üçün Konqresdən dəstək kimi Çinin bölgədəki təsirinin qarşısını almaq üçün nəzərdə tutulan 7,1 milyard dollar da daxildir.

Buraya həmçinin Rusiyanın təcavüzü qarşısında Ukraynaya Təhlükəsizliyə Yardım Təşəbbüsü üçün 300 milyon dollar, eləcə də Avropa Müdafiə Təşəbbüsü üçün 4 milyard dollar daxildir.

Şərhlərə bax

Dünyaya Baxış

Dünyaya Baxış. Ukraynanın hökumət vebsaytları kiberhücuma məruz qalıb
please wait

No media source currently available

0:00 0:11:00 0:00
XS
SM
MD
LG