Accessibility links

ABŞ: Münaqişənin hərbi yolla həlli yoxdur


ABŞ Dövlət katibinin müavini Stiven Biqun bu gün, oktyabrın 5-də Azərbaycan və Ermənistanın xarici işlər nazirləri ilə ayrı-ayrılıqda apardığı telefon söhbəti zamanı Dağlıq Qarabağda hərbi əməliyyatların eskalasiyası ilə bağlı narahatlığını bildirib. Bu barədə məlumatı Dövlət Departamentinin sözçüsü Morqan Ortaqus açıqladığı bəyanatda verib.

Bəyanatda deyilir:

"Dövlət katibinin müavini Stiven Biqun Dağlıq Qarabağ münaqişəsində hərbi əməliyyatların eskalasiyası və əməliyyatların dairəsinin genişlənməsi ilə bağlı dərin narahatlığını ifadə etmək üçün bu gün Azərbaycan Xarici İşlər Naziri Ceyhun Bayramov və Ermənistan Xarici İşlər Naziri Zohrab Mnatsakyanla ayrı-ayrı söhbət edib. Dövlət katibinin müavini Biqun tərəfləri dərhal atəşkəs barədə razılıq əldə etməyə və münaqişənin davamlı həll yolunu tapmaq üçün Minsk Qrupu həmsədrlərinin himayəsi altında danışıqları davam etdirməyə çağırıb. Dövlət katibinin müavini xarici işlər nazirlərinə Dağlıq Qarabağ münaqişəsinin hərbi yolla həllinin olmadığını vurğulayıb."

Bundan öncə ABŞ Dövlət Departamentinin sentyabrın 27-də açıqladığı bəyanatda Birləşmiş Ştatlar zorakılıqların eskalasiyasını ən kəskin şəkildə qınayaraq, əməliyyatları dərhal dayandırmağa çağırıb.

Şərhlərə bax

XS
SM
MD
LG