Cümə axşamı, sentyabrın 17-də ABŞ-ın Azərbaycandakı səfiri Li Litzenberger bir sıra kənd təsərrüfatı liderləri və ekspertləri ilə virtual dəyirmi masada iştirak edib.
Bu barədə ABŞ-ın Azərbaycandakı Səfirlyi Facebook səhifəsində məlumat yayıb.
Məlumatda deyilir ki, iştirakçılar kənd təsərrüfatı sahəsində aktual problemləri müzakirə edib.
“Toxunulan məsələlərdən biri suvarma zamanı sudan səmərəli istifadə üçün nəzərdə tutulmuş texnologiyalar olub,” ABŞ Səfirliyi qeyd edib.
Səfirlik bildirir ki, ABŞ şirkətləri kənd təsərrüfatı texnologiyaları və suvarma texnologiyaları sahəsində dünya lideridir.