ABŞ-ın Azərbaycandakı Səfirliyi həm Amerika Birləşmiş Ştatlarında, həm də Azərbaycanda millətin formalaşması üçün mühüm töhfələr verən görkəmli yazıçılar, jurnalistlər, siyasətçilər və xeyriyyəçilər haqqında silsilə video buraxışlarını davam etdirir.
Səfirliyin bu gün, dekabrın 20-də yaydığı qısa videoda ölkələrin tarixində mühüm iz buraxan azərbaycanlı və amerikalı görkəmli simaları aralarında müqayisələr aparılıb. Videoda Üzeyir Hacıbəyov və Corc Gerşvin (George Gershwin) haqqında bir neçə fakta müraciət edilib.
Üzeyir Hacıbəyov 1885-ci il sentyabrın 18-dəı anadan olub, 1948-ci il noyabrın 23-də vəfat edib. O, Azərbaycan bəstəkarı, publisist, dramaturq, pedaqoq və ictimai xadim olub. Üzeyir Hacıbəyov müasir Azərbaycan peşəkar musiqi sənətinin ən parlaq nümayəndəsi və ilk milli operanın yaradıcısıdır.
orc Gerşvin (George Gershwin) 1898-ci il sentyabrın 26-da anadan olub, 1937-ci il iyulun 11-də vəfat edib. O, amerikalı bəstəkar və pianoçudur. Caz musiqisi, Avropa musiqisi onun peşəkar olduğu sahələr idi. Gerşvinin ən məşhur əsəri "Blyuz tonlarında rapsodiya"dır.
